“NAMİZƏDİN ELEKtrON ƏRİZƏSİ"NDƏ
İXTİSASLARIN SEÇİMİ VƏ TƏSDİQİ ÜÇÜN TƏLİMAT
Namizəd:
- ilk növbədə imtahan veridiyi baza ali tibb təhsili istiqamətinə uyğun ixtisaslardan qəbul olunmaq istədiklərini müəyyənləşdirir (bax: elan);
- eservices.dim.gov.az/erizerez/ixtisas2 internet səhifəsinə daxil olur, özünə məxsus olan iş nömrəsini və şifri müvafiq sahələrə daxil edib "Daxil ol" düyməsini basır;
- seçdiyi ixtisasların kodlarını ərizəsində
müvafiq sahələrə daxil edir. İxtisas
kodlarının sayını və
ardıcıllığını namizəd özü müəyyənləşdirir.
Seçilmiş ixtisas kodlarının ərizə
formasında göstərilən ardıcıllığı
müsabiqə zamanı hüquqi əsas kimi qəbul olunur və
namizəd müsabiqədən keçdiyi ixtisasların birincisinə yerləşdirilir.
Seçilmiş ixtisaslar aşağıdakı tələbləri
ödəməlidir:
– namizədin seçdiyi ixtisaslar onun baza ali tibb təhsili
istiqamətinə aid olmalıdır (bax: elan);
– ixtisas kodları elan olunmuş
ixtisaslar siyahısından seçilməlidir (bax: elan);
Bu
tələbləri ödəməyən ixtisas kodları nəzərə
alınmır.
- ərizəni doldurduqdan sonra daxil
edilmiş məlumatların düzgünlüyünü və
tam olmasını yoxlayır və "Bəyannamə"ni
oxuyur;
- "Ərizəni yadda saxla" düyməsini basır;
- proqram məntiqi yoxlamalar nəticəsində
səhvlər barədə məlumat verərsə, müvafiq
düzəlişlər aparır və yenidən "Ərizəni
yadda saxla" düyməsini basır;
- proqram məntiqi yoxlamalar nəticəsində
heç bir səhv aşkar etmədikdə ekranda "Ərizəni
təsdiq et" düyməsi aktivləşir;
- namizəd "Ərizəni təsdiq
et" düyməsini basaraq ixtisas seçimini təsdiq
edir.
Ərizə təsdiq edildikdən
sonra ekrana ərizədə ixtisas seçiminin təsdiq edilməsi
haqqında məlumat çıxır.
Təsdiqlənmiş ərizənin
surətini çap etmək üçün "Çap
et" düyməsini
basır.
Diqqət!
Müsabiqəyə yalnız
seçmiş olduğu ixtisasları ərizəsində qeyd
etmiş və təsdiqləmiş namizədlər
buraxılacaqlar. Ərizə təsdiq edildikdən sonra onda
heç bir dəyişiklik etmək mümkün
olmayacaqdır.